走入從未公開嘅日本二手名牌店倉庫睇50萬件貨！拆解運作模式 每日人手擦60對鞋 教你如何鑑定真貨！
由見到女高生喺青山嘅服裝店失望而回，到發展成連鎖二手名牌店。RAGTAG近40年，發展出21間店舖，專賣設計師品牌，擁有自己巨大倉庫，存貨量維持30至50萬件，將收取嘅衫經過一系列程序：鑑定、復修、標價及運送，令到門店有如同新一樣嘅產品，同時零假貨。
由見到女高生喺青山嘅服裝店失望而回，到發展成連鎖二手名牌店。RAGTAG近40年，發展出21間店舖，專賣設計師品牌，擁有自己巨大倉庫，存貨量維持30至50萬件，將收取嘅衫經過一系列程序：鑑定、復修、標價及運送，令到門店有如同新一樣嘅產品，同時零假貨。
究竟RAGTAG係點樣做到？今集《Big Brand Theory》一齊走入RAGTAG心臟地帶！
後記：
平時去日本都會行買取店同古著店，但見到啱嘅貨品時，都諗會唔會買錯嘢，或者以前係咪真係有呢件貨。
而今次去到RAGTAG，除咗想逐件睇，亦見識到工作人員求真精神同細心，令更多貨品有二次生命，真係大開眼界。
另外，想再補充下幾點：
- 客人可以指名Buyer賣貨
兩者一賣一買關係，但指名制度令成件事更人性化，可以建立長期交流。加上買手會熟悉某類品牌，客人賣相應貨品自然更有信心。 - 倉庫有攝影區
地下其實有三份一空間係攝影區，有20至30人同時間為貨品影相。如果客人喺官網覺得唔夠相，係可以聯絡客服再影多少少相作參考。不過，攝影區係機密，所以拍唔到畀大家睇啦。 - 燙衫
除咗刷鞋、除臭同沖洗，其實仲有專人燙衫，不過礙於篇幅問題就無畀大家睇。 - 銀座rt有cafe:
rt名字代表「real treasure」，喺2000年代開業，座落於銀座，所以賣嘅貨品再高檔少少，尤其有女士最關心嘅手袋。整座rt有7層樓高，最高就係cafe，就算揀耐咗要喘息／男士要等吓，都係有位置放鬆。
