ENTERTAINMENT :
30.07.2018

世界頂點 王者狂牛

西班牙後防飛將軍「7★佩奧爾'13」登場!身材唔高大,但佩奧爾勝在路數好速度又唔慢,仲有身為一個防守球員最重要嘅特質——拼勁。只要有佢在場,即使踢到加時,佩奧爾都會搏盡每一球波,回防又好,助攻都好,你都會見到佢好似一隻野獸捕殺獵物咁死咬唔放,永遠都係堅定嘅後防基石。佩奧爾仲有招專屬防守技能「鐵壁之魂 LV.5」,留意專屬防守技威力非凡,可有效降低對手使出專屬進攻技及一般進攻嘅機會,為你嘅後防提供一道穩固嘅屏障!仲有球會同國家隊嘅好隊友「小白」「7★恩尼斯達'14」。小白跟過沙維同朗拿甸奴兩位超級中場指揮官踢波,慢慢都學晒兩位巨星嘅神奇閱讀球賽同盤扭技巧,逐漸踢出自己嘅風格,成為一個典堂級巨星。恩尼斯達在陣時,中場控制節奏,一兩腳精采傳送,加埋走位配合,對手都未睇得清楚發生咩事,條防線已經潰不成軍。中場有咁勁嘅核心係到,乜對手都唔怕啦。今次一步登天扭蛋仲有其他西班牙成員,仲有另一個後防支柱「7★碧基'14」,必要時變埋前鋒都仲得;同埋萬能防中影帝「7★布斯基斯'14」,演技好唔使講啦,防守都強,更加勁嘅係反守為攻個下攻守轉換嘅傳送極之到位,係球隊嘅齒輪。個個都咁勁,係咪好想招募晒佢哋加入呢?

  PHOTOS / VIDEOS
世界頂點 王者狂牛
世界頂點 王者狂牛